أمى يا كل حياتى

أمى يا كل حياتى

امى ياكل ذكرياتى

بتهونى عليه اهاتى

وضمينى بين صدرك ليلاتى

وبتسعدى عليه كل ايامى

وبتلونى كل احلامى

نفسى اديكى شويه من حسابى

لان حسابك كتر عليه ومش باقى

من العمر اللى بيه اسد حسابى

حتى لو العمر ادانى الوقت الكافى

مش هقدر اديكى حقك الصافى

لان كل اللى هعمله ليكى فى حياتى

مش هيسد لحظة تهوين آهاتى

او ارشادى الى صوابى

وتقويتى على طاعة ربى

ولا خوفك على مصلحتى

امى يا مشربناى الصبر فى كأسى

ومعلمانى الحنيه والاخلاص لناسى

حتى لو يوم غدروا بيه انتى قولتى

اسيب الحق لربى يأخذه ليه

امى يا مربيانى على القرآن وسنة نبيي

نفسى اوفى جزء من حقك عليه

وتكونى على طول راضيه عليه